خبر وتعليق 11

بسم الله الرحمن الرحيم
خبر وتعليق 11
قبل ما ابلش احكي خدوا الخبر لانه التعليق عليه حيزعل ناس كتير ,,,وانا من قبل ما حد يقرء اللي بدو يزعل ويهاجم المكتوب من باب العواطف ومن باب انا تعودنا نهاجم الشيعة وايران ونحط فيهم سوء النية فبلاش يقرء المكتوب ""

الخبر اللي اجا بجريدة الشرق الاوسط بعد ما خلصت القمة بكم يوم او هو مقال – يعني مقال ومش خبر – لواحد اسمه عبد الرحمن الراشد – واكيد هاد سعودي يا فرحتي عليهم – الاخ هاد عنوان المقال تاعه بعبارة واحدة وهي

وما نسي يحط بمقاله كل اشي غلط بنظره عند الشيعة وحط عن مشاكل البصرة بين جيش المهدي والمالكي وحط عن الشخص اللي مسكته اسرائيل وطلع جاسوس لحزب اله قبل فترة قصيرة ,,,وكتير اشياء بصراحة زهقنا منها ومن الناس الي بضل تعيد فيها وزي كانها النشيد الوطني العربي السني ؟؟؟؟؟

وقبل ما اعلق على الخبر بدنا نتفق على كم نقطة بلاش كتير يحكوا هاد صار شيعي – يا لطيف - ,,,
انا شخصيا من اكثر الاشخاص حب لصدام حسين وبعتبره افضل زعيم عربي – وانا متاكد انه مش حيجي متله رئيس عربي من هون لحد ما يصير تغير بخارطة المنطقة عن قريب ان شالله-
وانا كمان سني ابن سني ابن سني ,,,وفخور بمدهبي السني والحمدلله ,,,وباحتقر كل انسان سني بيحول مدهبه لانه ما اله اي سبب التحول من السنة للتشيع ,,,بس انا احترم الشيعة الاصليين يعني اللي انولد ولقي نفسه شيعي بس نولد لانه الله غالب هاد نصيبه وفش داعي نختلف هلأ معه بعد ما ننتصر على عدونا المشترك بنفكر كيف ندق ببعض احنا واياهم ,,,وانا مستعد اناقش اي شخص شيعي واقنعه انه مدهبنا الصح ومدهبهم هو المش مقنع – بس هاي مش وظيفتي – وانا من مقالي هاد بس بدي ابين انه ايران وحزب الله نيتهم مش بهاي الدرجة من السوء الي بيصورها النا الاعلام العربي ,,,,,وخلينا نبدا

الكاتب المحترم عبد الرحمن لما حكى عن الجاسوس تاع حزب الله اللي مسكته اسرائيل ما حكي انه جاسوس عسكري ..لأ,,,,حكى انه تاجر مخدرات بيشتغل لصالح حزب الله باسرائيل وزي كانه يعني نصر الله ساب المقاومة وساب الدنيا القايمة قاعدة بلبنان وساب الحرب وساب كل شي وقعد يلف سجاير حشيش وبانجو عشان يبيعها باسرائيل,,,بحكي للكاتب المحترم لو تجيب ولد صغير حيضحك على اللي كتبته ,,,وبعدين لو فرضنا جدلا انه الموضوع صح فهل انت شايف انه عيب انا نتاجر بالمخدرات بارض اسرائيل – وزيح الناحية الدينية وخلينا بالمنطق العسكري والحربي- لو الاخ راجع التاريخ شوي صغيرة بس- يعني كتاب تاريخ تاع ولد بصف سابع بينفع – كان قرء انه السبب الرئيسي لهزيمة امريكا بفيتنام هي انه المقاومة الفيتنامية نشرت الافيون بين الجنود الامريكيين …..فما في اي مانع ننشر الحشيش والمخدرات بين اليهود لو هاد بدو ينفعنا بحربنا معهم ,,,
بعدين الكاتب المحترم اللي حكي بمقاله كتير عن الشيطان الايراني وعن اهداف ايران الخبيثة وعن الطمع الفارسي بالاراضي العربية,,,يا ابن الحر,,قصدي الحلال ,,,ولك اي اراضي عربية هاي ,,,اراضي الخليج اللي شوي صغيرة وبيحطوا على بوابتها لافته مكتوب عليها معسكر للجيش الامريكي لا تقترب ,,,ولا اراضي فلسطين والعراق المحتلة ,,,ولا اراضي السودان المقسمة ,,,ولا اراضي المغرب العربي الي التانية صارت معسكرات فرنسية ,,,,يعني ايران بدها تسيب ارضها وهيبتها وتبلش فيكم ,,,طيب مهي كان طمعت بالباكستان ودول السوفييت المنحلة كان اسهلها ما تحارب امريكا على رزقتها بارض العرب ,,,,بعدين الاخ اللي حكى عن اطماع الفرس باراضينا ,,,هو انا بدي ابلش ادخل بالناحية الشرعية للموضوع
خلينا مع حديث الرسول ومدحه للفرس المسلمين – المسلمين مش عبدة النار يعني ازا الفرس عبد اجدادهم النار ايام الجاهلية ضروري الاحفاد يكونوا هيك؟؟؟ مهي العرب عبدوا الاصنام واليوم مسلمين والفرس نفس الشي اليوم صاروا مسلمين ,,,

الرسول عليه السلام حكى لو كان الدين عند الثريا لدهب به رجل من فارس ,,,,وفي رواية تانية قال من هؤلاء وضرب بيده على كتف سلمان الفارسي وقال هدا وقومه ’’’
وتلا عليه السلام قوله تعالى - وإن تتولوا يستبدل قوما غيركم ثم لايكونوا أمثالكم- صدق الله العظيم
وما ننسى انه الرسول حكى عن سلمان انه من اهل البيت يعني قرنه بعلي وفاطمة والحسن والحسين ,,,,والشواهد كتييييييييييرة عن فضل الفرس بالحضارة الاسلامية بس بصراحة الوقت ما يكفي احكيها كلها واللي بدو يعرفها انا جاهز ابعتلوا اياها ,,,,,,,وطبعا هاي الادلة الشرعية انا ما جبتها لا من كتب الشيعة ولا ما يحزنون لأ,,,, جبتها من البخاري ومسلم وكل كتب السنة الي بنعرفها – بلاش حد يحكي هاد حكي الشيعة ؟؟؟-

يا جماعة الخير القائد الالماني هتلر حكى- اي بوصلة بتتوجه ناحية اخرى غير ناحية المصلحة الالمانية فحاملها خائن لالمانيا -,,,وانا باكد على حكيه وبحكي اي بوصلة بتتجه ناحية تانية غير اتجاه القدس فحاملها بيستاهل القتل ,,,,وبالمنطق السطحي البسيط بنشوف الرئيس السعودي والفلسطيني وكل زعماء القمة العربية كلهم الهم صور وهم نازلين تعبيط وتبويس برايس وميركل واولمرت وبوش ومنداري شو ,,,لا ووزير خارجية قطر قبل كم شهر استقبل هو ومرته بيرتز ومسيش يحكيلوا عن العلاقات الاخوية بين الشعبين القطري والاسرائيلي ,,,بالمقابل ايران وحزب الله يوم يوم بيعطونا دروس وعبر بالمعنى الحرفي لكلمة مسلم ,,,لكلمة رجل ,,,لكلمة دفاع وجهاد ومقاومة ,,,,وبالاخير بحكي تعودنا من تلفزيونتنا اللي ما بتعمل اشي غير انها تدجن الشعوب العربية على عبارة ايران شيطان ,,,هاد الشيطان اللي عامل الرعب لاسرائيل ,,,هاد الشيطان اللي هو اكبر داعم لحماس وحزب الله والجهاد الاسلامي بفلسطين ,هاد الشيطان اللي اول عمل عمله بعد الثورة انه قلب سفارة اسرائيل الموجودة بعهد الشاه لسفارة فلسطين ,,,,هاد الشيطان الي لو انه شيطان فانا ما عندي مشكلة اصير من انصار الشيطان ومن احباب الشيطان – ولو اني مش مسلم كان صرت كمان من عبدة الشيطان والعيادة بالله- ,,,,فيا جماعة راهن الشعوب العربية كتير على الاتحاد السوفيتي الشيوعي بالزمانات وما اظن هاد الاتحاد كان يدعم حركات التحرر والدول العربية لسواد عيون اللي خلفونا ولا حب بالاسلام ,,,لا كان عندو طمع بنشر مبداه ونشر نفوده ,,,فبتصوري ايران الشيعية مش حتكون اعطل من روسيا الشيوعية فوين المشكلة نتماشى معها شوي ؟؟؟؟,,,,وحزب الله بس انتصر كان نصر يفتخر فيه كل المسلمين السنة قبل الشيعة فليش هون ما حد حكى انا سني وهدول الشيعة اللي انتصروا ما الي دخل ,,,,,
الله ينصر الاسلام ,,,,الله يوحد المسلمين ,,,,,وهون انا خايف بعد فترة من التدجين الاعلامي يحرفولنا الشهادتين وتصير اشهد ان امريكا ,,,وان ايران عدو الله,,,يا جماعة حربنا مع اسرائيل ,,امريكا ومش ايران افهموا عاد ,,,,